入唔到心儀直資小學唔使驚

 

今朝睇 Facebook 看到這段，老師在 whatsapp group問學生有冇 second interview, 令某些家長很玻璃心。

香港有一股爭入名幼稚園及名小學的風氣，我當年初為人母，咩都唔識，也受人影響，一窩風去考熱門直資小學。（幼稚園階段我仍未受影響，因為當時的我更 Green, 聽都未聽過名牌幼稚園的名字，真的，係到了差不多要考小學，我才知道原來人家在幼稚園階段已經撕殺了一大輪😅😅😅，我仔一直讀樓下果間幼稚園咋！）

後來考了七間直資小學，我兒不才，全部fail, 我當時很傷心，尤其收到英華那封 rejected letter, 真係喊了😭出來，現在回想起來，覺得自己好傻囉！😂😂😂點解當年會咁蠢架！受人煽動。

走到現在，我已經是一個 senior家長，回望過去，就好清楚一件事：小學階段真係唔重要架！讀邊間都一樣！

例如你讀到直資，好處係功課少D，老師和氣D（因為佢地唔會收跩的學生，自然和氣D🤣🤣🤣），多些課外活動，多些講英文的機會，但同時也有壞處，就是不及傳統官津的孩子咁堅，官津孩子學會了守規矩，尊師重道，寫字計數在大量操練下，基礎堅實。

如果你仔女係聰明型，讀邊間都冇分別，好似我仔咁，學校多功課他捱得到過去，假如他入了直資，學校少功課，他就有更多自學時間，所以，他讀什麼小學，結果也差不多，各有好處。

如果你仔女係中等生，當然是讀官津好啦，被迫將勤補拙。

如果你仔女係蠢蠢地，咁直資跟本不會收，因為人地有得選。

所以，考不考到直資小學，對聰明的孩子沒影響，對蠢的也沒影響（考不到不用做任何決擇，自然沒影響），影響到的只是中等生。如果你的孩子是中等生，入唔到比入得到更好。

既然這樣，入不到直資學校，有什麼好傷心呢？

你可能會說，入唔到係咪即係代表我仔蠢呀？😢

咁你覺得我仔點？蠢嗎？當年真係冇任何一間直資收佢喎！

直資小學主要不是選最聰明的學生，他們是選最合作的學生和相對有米的家庭，是一個綜合決擇，你唔好賴哂落個小朋友度，可能係你自己冇宗教信仰，又可能係你份職業唔夠人地高尚，唔係全部關小朋友事的。

So, take it easy！😉😉😉