順手寫埋這篇，其實入唔到心儀中學一樣係唔使驚的。
通常到了考中學的階段，家長唔會再咁顛，人地考直資我又考，亂咁衝，為什麼到了中學，家長會理性了？
主要原因是，孩子讀了六年小學，到底是什麼料子，家長心中開始有數。幼稚園是不一樣的，人人都覺得自己那個是天才。我老實說，在孩子派小一第一張成績表前，我自己心裡也沒有底，不知道孩子是什麼料子，因為人人都愛自己的孩子，一定會把孩子想得太好，我不知道自己是否也是一個不客觀的媽媽。
到了升中階段，老師會告訴你，你的孩子到底屬於什麼banding, 分了band，大家都清楚哂，你不會 band two學生走去考人地喇拔皇仁聖保羅架嘛，份表遞交上去, 自己都唔好意思啦！😅
所以，這個階段，大家的「心儀學校」都不同，不會全港都走去那幾間去 interview, 所以中學沒有那種「一窩蜂」的現象，但幼稚園升小學時，大家小朋友都係BB，冇分 banding, 人人都可以去 apply 最hit的小學，越 hit又搞到越多人 apply，最後成了一窩蜂現象，然後，搞到唔去好似好蝕底咁。🤣🤣🤣
Anyway, 到了中學，大家仍然會有心儀學校的，但仍然是有機會考不到的，其實考不到，也不是什麼大件事，你 band two尾去了一間 band two頭 interview, 唔得係正常架！想一定得咩，好簡單，去一間 band three頭 interview, 實收。😝
其實入邊間中學都冇分別的，大家都係考同一個試之嘛，例如DSE，你份卷同其他 band one學生收到份卷沒有兩樣，考出來的成績也一樣有效的，從 band one到 band three, 入大學的機會都是均等的。中學大拿拿六年時間，要逆襲，由 band three仔考上港大，不是不可能的事。最近我就看過一個youtuber 分享他由 band three考上港大神科的故事。
你可能會說，band one的師資好D！🤔未必架，例如我仔在聖言有個新來的老師，佢來之前係教 band three架，同一個人之嘛，港大高材生來的，老師教邊間學校係睇佢揾工當時有邊間學校請人，人工OK就做架啦，老師唔會歧視 band three學校的，因為教 band three等於唔使教，班友仔無人讀書的，夠 hea！所以，資優仔徐文鴻就讀一間 band three, 個數學老師佢自己一個人霸哂，因為得佢問，冇其他人問問題的。😂😂😂
你又可能會說，band two /three的校風差，會影響孩子的鬥志，咁就係架啦！但你自己夠意志堅定，唔受人影響咪得囉！
你又可能會說，讀名中學識的人脈將來好有用，係咩？你以為自己可以高攀嗎？什麼level 的人自然和什麼人 friend, 如果自己唔同層次，人地得鬼閒侵你玩咩！
To conclude, 唔使為孩子讀什麼学校而費心神的，該去那裡便去那裡唄！
但這不等於不用理會孩子的學習。
老實說，大家咁緊張入什麼學校，只是基於一個美麗的誤會：只要入到一間好學校，我就唔使理了！我只要交了昂貴的學費，就很偉大了！
真的唔使理嗎？我仔現在的學校（直資）的家長，隨住公開考試迫近，都不知幾忐忑不安，其實無論入什麼學校，家長都是「養兒一百歲，長憂九十九」的。
相關文章：
4 則留言:
我覺得中學衰極都唔好去BAND 5 學校(而家就BAND3尾)，真係入左去，好難真係讀到書的，因為我是旁觀者，我有三個細佬都係入左同一間BAND 5中學，一個就俾人蝦俾人打，一個就學壞跟大佬，中三就無讀，一個就學壞俾同學影響去吸毒，總結都係讀唔成書還好容易學壞。當然也有成功讀到書的朋友，但好似女仔多，定啲，識諗。
你呢D資訊過時了，而家冇呢D野了！
Band 3就係拉下琴過下日神，個個都正正常常的，只是沒有心機讀書而已。
以前一個月都有幾單劈友案新聞，你冇發現而家冇咩？而家仲邊有山雞同酷南同細細粒的故事。
你講得啱，依啲係十幾年前既事。
我唔係講劈友咁嚴重，我係講啲差校啲男仔比較容易打架和吸毒，我上網CHECK過青少年吸毒的問題都無改善過。
不過我都希望而家啲BAND 3學生正正常常
這個題目几有趣，等我去了解一下再寫返篇。
發佈留言