我每日都過得好開心，而且我笑點特低，成日都笑到格格聲。為什麼我那麼開心？因為我客觀地知道自己很幸福，而我不會管其他人的事。「不管其他人」是十分重要的快樂條件，因為人可以搞得掂自己及家人的事已經十分不錯了！什麼事都管，等如挪屎上身。💩
但唔知何解，有些朋友明明乜都有，客觀評論是「幸福」，但卻永遠都好似苦瓜乾咁，乜都向不好的方向想，都算啦，你自己要過得唔開心，關我叉事咩？！但我發現佢地永遠不會向我學習及受我感染，卻成日分享D慘事俾我知影響我心情，阿邊個邊個的孩子患了點慘點慘的不治之症，圖文並茂，有些是真實的身邊人，有些是新聞，真係好乞人憎！因為我睇親呢D都唔開心成日，我冇佢咁冇人性囉，見到人慘就「感恩自己個仔冇事」？我淨係覺得果條友好很慘咋 wo, 我完全唔會由人地慘聯想到自己有幾幸福喎！我又唔識佢，佢慘同我幸福冇因果關係架！仲有，阿豬阿狗的孩子成績有幾差，我又係好憎聽呢D，關我叉事咩！😡🤬我唔會因為人地成績差而開心，而佢差我又幫佢唔到，我又唔識佢，你話我知做乜先？
我覺得呢D人正一負能量散發器，周圍播毒。
不過，我又發現，我另一個負面的朋友，每次唔開心，我點客觀分析佢知，佢其實唔算好慘 je, 佢都唔會釋懷，直至我講阿豬阿狗點慘點慘的故事，佢就會開心返，覺得自己冇咁慘！例如佢說自己老公點衰點衰，我將其他人的老公點衰點衰講俾佢知，縱然三唔識七，佢真係會正常返，冇咁悲觀，於是我定期send 一些渣男點樣殺子害老婆找小三的給她看，她就會正常好多，冇咁悲劇大師上身。
結論，第一個朋友喜歡分享的慘事，正好 send俾第二個喜歡聽慘事的人，在第二個朋友的角度，第一個朋友的分享是「正能量」來的。😂😂😂
BTW, 咩慘野都唔好話我知，我唔喜歡聽的，我是不喜歡管人閒事的T型，還有，F型的朋友不要找我傾訴，因為我唔知做乜反應好，我淨係識為你提供建議及解決問題，我唔識安慰人架！
呢個正正是我安慰人的模式🤣🤣🤣。
所以，各位需要心靈安慰的朋友要找對人，不要找喜歡解決問題的人去安慰你，因為我們會用邏輯去說服你：你呢D雞毛蒜皮咋 wo！
你會完全得不到認同感。
同樣地，我很怕那些不去解決問題或沒問題又幻想自己有問題的人，我怕天天在幻想悲劇的人，我唔想浪費時間。
人生那麼美好，唔好阻住我活得開心，請把悲傷留給自己。🙄🙄🙄
沒有留言:
發佈留言