教育老人家

 

我老公經常提醒我不要說話太直，容易得罪人，然後我觀察到他才是直中之王，句句像刀那麼鋭利。

不知道為什麼，老人家就是喜歡找我老公傾偈，有些是親戚，有些是99的朋友。我在一旁聽到他們對話，我直滴汗！

例如人家老人家的女兒一家都在美國定居，他說「而家世界大勢變左啦！三十年河東，三十年河西，風向已經轉左，將來係中國變強，美國變弱。」他收線後，我問:「人地個女和孫都在美國，你咁講唔係幾好呱！」他說:「咁佢問我點解唔送個仔去美國嘛！」😅😅😅(過了一排，她又提議我老公送個仔去加拿大😅😅😅)

有一次，我媽擔心將來自己不能自理時我會不理她，係咁無端端話我不孝，例如:「你而家對我都唔好，將來我有咩事仲使指意你嘅！」我感覺很冤枉，我老公在一旁立即教訓我阿媽:「你想人地點孝順你？你女想請你去飲茶，你話最憎飲茶！打電話叫你著多件衫，你話佢好煩 cut佢線，你想人地點孝順你？買野俾你又唔要。」我媽答不出話來，我老公繼續進攻:「你成日怕人地在你中風時唔理你，係因為你日日飲酒！飲到將來中左風，就想將自己掟俾人！！你估我唔知咩！」我媽被他噴到一面屁，真係一物治一物。你們不要以我媽會嬲左這個女婿，她很喜歡他的。很神奇，老人家有時喜歡被人罵的。🤔🤔🤔

在聖誕派對，有個唔識的老人家(退休英文老師)問我老公:「你對而家香港的洗腦教育點睇呀？佢地而家推國民教育喎！」我老公說:「我們幾十年前從大陸來的，我覺得冇問題喎！香港人是在殖民地出生，佢地冇祖國冇根，當然對國家反感，但我們有民族情懷喎！」「你淨係睇一個短時間，當然覺得共產黨唔好啦，但你睇100年的歷史，中國在清朝時被八國聯軍入侵，完全沒有民族尊嚴，而家共產黨帶領下，可以同列強對恃喎！」「所謂兒不嫌母醜，唔好話而家中國咁好，就算中國衰，你都係中國人，都要愛自己國家架！」後來，我問老公:「你又唔識人地，佢好明顯係黃的，你同人講呢D？！」他答:「佢唔識，我咪教育下佢囉！佢後來臨走都特登過來同我講拜拜呀！」呢個老人家都幾有教養。

每次我老公提醒我唔好太直，我又提醒佢，佢先直得可怕！

然後，我發現，我們是同類！都是不顧別人感受直言不諱的魏徵！😂😂😂

我們不是不懂虛偽，只是不想浪費時間，大家價值觀相付多談幾句交流一下，價值觀不同而互相客套，那是沒有意義的事。