阿爺勁反內卷

 

阿爺最近勁反內卷，搞到我們拍手稱慶，直豎母指。👍👍👍

小學和初中唔准頻繁考試測驗！

就算考了都不准排名次，老師不能貼標籤，家長不能在朋友圈發成績表炫耀。(咁都要管！😂😂😂)

還有，還有，八時前不能上學，下午三時半要放學，小一小二零家課零考試。沒錯，是香港家長一直爭取未果的「零家課」！在大陸，阿爺叫清零就清零了！

除了以上，阿爺最近還出手打壓996, 即係唔俾迫員工加班。爸媽可以放工回家陪孩子和造人了！😁🤫

又唔俾細路打機，一星期只可以打一小時機。😂😂😂仲唔俾迷偶像，整治「飯圈亂象」，咁似我地屋企嘅？！🤣🤣🤣

大家可能知道我一向最憎學校唔考試唔排名的，但這次我贊成阿爺的做法。為什麼呢？

是因為，阿爺的政策是「全國性」的，大家都唔知孩子成績又唔俾催谷，大家都一樣！

而香港的情況是，有學校排名，但又有學校不排名，咁如果你的學校不排，咪即係鴕鳥政策！全世界都知自己的孩子的學業情況，得你自己唔知，咁人地個個take action, 你就掃垃圾落地毯底，咁會好大鑊！我稱此為「安樂死」。

但全國性就不一樣！大家都唔知，其實是公平的，大家都唔俾補習，大家都唔俾攀比幼兒，這樣是一致的，公平的。

咁你可能會說：有錢的家長自己請私人補習在家催谷，咁咪會階級固化？

唔係有錢請私人補習就會一定升到 level 的，有D人就係補來都冇乜用。而你以為冇錢補習的又可以在家自學，喜歡讀書的人自己去圖書館一樣可以學到好多東西，不要迷信補習，不要迷信金錢萬能。

阿爺做咁多野，其實只是為了一個目標：想人民生多D小朋友！

我在中山的鄰居李先生，有兩個仔，他一直想追一個女兒的。但兩個仔已夠忙，他說兩個孩子每日五時多才可以回家，我問他放學是什麼時間？他說三點多，但之後全部都要留下來補課直至五點。😱😱😱我問：「假如已經全部學懂了，可以早走嗎？」李太太說不行，學校迫所有學生都要五時才準走！（小學生而已）李生的大兒子比我兒子還要聰明，全部學會都要被迫留下來？！天呀！中國太可怕了！學校之間惡性競爭，補課變成了「常態」！令不需要補課的孩子也被迫日日補。其實休息都好重要，日日被迫返工咁返足八小時，真係人都顛！

現在的政策不止令李生的孩子減負，他們也可以光明正大追返個女了！因為國家開放三孩政策，生三個唔會罰。

澳門博友的孩子也是讀澳門的紅底學校的，她說平時學校將孩子的時間表填得滿滿的，想學一些自己想要學的東西都不容易騰出時間，我想：🤔中式教育自由度真低。

現在雙減負政策下，有自己學習方案的中國家長終於可以施展出來了！