識咁諗就不會咁做

（London）

震驚！昨晚七一，銅鑼灣有50歲持刀男子，白刀子進紅力子出，直插警員背部，然後自插心口自殺死亡，警員仍危殆中，但距離心臟有10cm, 我相信他一定會平安度過此劫。

有一網友留言說：「乜而家人命咁唔值錢咩？大家三唔識七，值得殺完人再自殺？？！」

關於這條問題，我識答。

話說以前返暑期工，有個17歲工友說他的朋友去過 wave party, 這種派對只要熟人介紹才能入場的，當時很流行，場內人人啪丸，high high 地，有人就地做愛做的事，有人跳舞跳到除哂衫！而當時，佢見到名模 Rosemary赤裸上身跳舞。

我聽到這裡，O哂嘴，問：「佢話哂係公眾人物，咁做好蝕底喎！無啦啦俾阿豬阿狗睇哂！可能會影響前途！我唔明，點解佢要咁做？」

然後呢個細過我的年輕人反著白眼🙄🙄🙄答我：「會好似你咁諗的人自然不會咁做啦！！」又係喎！！

回答以上網友「乜人命咁唔值錢」的提問，持刀者應該無想過這點，否則不會這樣做。

事情已經發生，不如大家來試下推理香港的故事如何發展啦！

我自己就猜，此事會給與保安局局長及新一哥更強的理由立即立 23條。最後會成功立到23條。

為什麼我認為最後能成功立到23條呢？因為睇得多宮鬥劇，我發現萬變也離不開一條規則：軍隊在那一方手上，誰就會嬴。

什麼都在鄧小平計算之中，當年戴卓爾夫人是想鄧小平只收地而不收管治權的，鄧小平不止兩樣都收回來，還強調必須駐軍。

現在已立國安法，假如有乜依喐，咪派解放軍出動囉！有法可依自然可以出動。你千祈唔好話美國會出兵呀，香港又沒有石油。😜😜😜

P. S. 黃人請勿留言，我會刪除的。