麥飯（改良版）

上次做了麥飯之後，覺得又好味又健康，於是見99回來，剛巧又買了一把油麥菜，於是，我又要整麥飯給99試。

我將整個做法說給99聽，99想了一想，說：「你加啲蝦皮，蒜蓉先放入滾油再潑上。」

嘩！99很厲害，個麥飯好味咗成倍！

加了蝦皮之後，成個麥飯有了鮮味和香味！

上次用潑油的方式做，蒜蓉是半生的，辣辣地，小高姐當然喜歡啦，但我家少爺仔唔喜歡，老公唔受得，有胃氣，北方人的吃法，我們南方人不習慣！不過有博友告訴我，吃生蒜防流感的功效其實很好的。如果受得，可以多吃。

BTW, 這個其貌不揚的麥飯，大家真係要試下。有驚喜，而且健康！油麥菜的苦澀味冇哂！

99果然經驗老到，什麼餸菜，一看就知好不好吃。網上很多樣子做得很漂亮的菜式，99一睇就知唔好食，叫我唔好整。

例如這個秋葵水蛋，99一看就很大反應，佢話會好難食！我有朋友整咗，果然係好難食。我都唔係好明，水蛋明明好好味㗎，加咗幾塊秋葵為何會變得難吃？朋友說「無味」，莫非秋葵令蛋味都冇埋？！！