要箍牙嗎？

（Finland）

有一天，99跟我說：「阿仔的牙唔係咁齊，要唔要箍牙？」

我上網查一下，原來箍牙的黃金時期是16歲前，兒子現在13歲，要考慮這個問題了。

我向那兩父子提出箍牙的問題，他倆堅決反對。

兒子反對是必然的，他很高敏，平時連剪個頭髮都要活捉（他怕剪髮時髮碎掉到頸上那種痕癢感），更何況箍牙這麼大的動作？他是一個反對派，什麼都反對的，何況他不太貪靚。

老公說：「我好耐以前有個女朋友，有點假哨牙 ，於是我建議她箍下牙，怎料箍完她就跟我分手了！她說：『你唔會明有几痛！』」

噢！痛到恨，狠飛男友，咁應該真係幾痛喎！

我說：「而家技術先進了咁多，可能有D唔痛嘅呢？我見有人的牙套是透明的。」

老公說：「你要夾硬改變它的生長形態，有什麼可能不痛？何況我地個仔又唔係要做明星，佢D牙又未至於好難睇，他已經夠靚仔的了！唔好搞咁多野。🙄」

我想想也是，萬一真的是很痛，影響他的食慾，可能影響他營養吸收及身高，還是算了！何況箍牙又不是平。