further maths考試取消了

我兒子報了 igcse further maths, 原定五丶六月考，但由於英國疫情嚴重，取消了！

這個取消的過程十分折騰，它幾個月前已宣布取消，但又說可能有取代方案，一直拖到前幾天才公布，給了我們兩個選擇。要三日內即復，否則殺了你的考試費。

Option A是考一份 unseen test materials, 但冇解釋是什麼樣子的，是香港考試局準備的，不是英國試卷。🤔🤔🤔🤔

Option B 是退款，但不會退足，退幾多成又冇講。

你可能問：點解你唔打去問清楚？

一來香港考試局都未必知，乜都係話等英國個邊通知，二是不影響決策。

如果選A，佢考咩你咩答咩囉，佢又冇份卷俾你睇，你到時自己執生好了！

如果選B，佢退幾多你咪收幾多囉，唔通問了的人會退多D咩，人人的退款都一樣架！

佢在提交表格時，已經清楚聲明：你自己諗清楚，未必有錢退架！

所以，我們已作了最壞打算，頂多冇哂千六元，我們家還是蝕得起的。

最後，我們選B。

一來怕A沒有認受性，由香港出卷？出得深我地蝕底了，出得淺人地睇成績時又質疑你的實力，二來俾佢折騰咁多個月，假期沒有認真讀好pure maths, 三來是考期很可能撞正學校考試。

我覺得英國那邊處理得幾亂下，這一屆和下一屆的考生質素應該會受到影響。