自己頭髮自己剪

自己替自己剪頭髮, 唔係小剪，而係大剪，由長髮變短髮，可行嗎？

昨晚我試過了，係得嘅，你只要夠膽就得了！哈哈～

話說昨日我在YouTube看到一段這樣的影片，我大為詫異，竟然有人可以自己幫自己剪呢種咁短的頭髮？而且類似影片不止一條，不止一個人做得到。

我睇完之後，就將在影片中學到的技巧，自己幫自己剪了以下髮型：

忘了影未剪的時候的髮型，因為我沒想過會如此成功，之前是最傳統的長直髮，還以為玩完明天要落Q字理髮店執手尾。但剪完把照片send俾朋友，個個都說好看！

大家可能會發現，以上影片的髮型和好奇媽的髮型是完全不一樣的，但我真係在這段影片學的，再加上自己原來已知道的「一刀剪」技巧。

影片中的髮型和我的這個髮型，原理和技巧都一樣。

首先將一半頭髮扎起，下面那一半鏟青。上面那一半用一刀剪，前面留海都是一刀剪。過程大約20分鐘。

什麼是一刀剪？

就是一隻手揸實，沿住拇指的弧形剪，一刀剪完就會係完美的弧形了。說多快有多快。

當然，自己剪未必很完美，例如我後來發現自己頸後有毛毛，自己都不知道，要再用剃刀剃乾淨。

睇完那個「香港髮型，自己頭髮自己剪」的影片，我相信幫阿仔剪髮的技術將會有提升。