苦瓜黃豆排骨湯

又係煮苦瓜？沒錯，因為苦瓜適合糖尿病人食。誰人有糖尿病？我阿媽。所以佢一來我家吃飯，我就煮苦瓜做餸。

苦瓜降血糖，而且清熱解毒，既適合有糖尿的婆婆，又適合容易生口瘡的爸爸，喜歡吃薯條的仔仔，喜歡吃辣的媽媽，全部適合。

無論苦瓜炒魚鬆或苦瓜炒蛋，阿仔都唔願意食，不過苦瓜湯佢肯飲喎！其實苦瓜黃豆湯很甘甜，小朋友一樣愛飲。

至於點煲，因為這個配搭屬經典，網上一定大把食譜，不贅。

（ 油鹽水灼菜心）

我們家所有蔬菜都一定要先氽水再炒，原因是怕菜有農藥，浸洗兩小時都仍然怕，氽水能去除大部分農藥。又氽水又炒，其實都幾多功夫，呢期發現用 油鹽水灼，又快又有炒菜的香味，一舉兩得。

做法是用油爆香蒜蓉， 加鹽，加半煲水煮滾，放入蔬菜灼熟撈起，上碟。

我阿媽喜歡吃新鮮做好的饅頭，隔日的不肯吃，所以她來我又整新鮮饅頭代替煮飯。新鮮蒸好係與別不同的，有一陣陣純正麵粉的清香味，其實人人都愛吃新鮮的。不過早上趕時間，沒可能吃新鮮做的，一定是之前做好的。

我從阿媽的健康出發為她準備食物，我覺得自己對佢幾好，不過阿媽心目中我係不孝女，因為我經常阻止佢食垃圾食物，佢覺得我好煩！