萬丈高樓從地起

最近有兩個同學晚上會whatsapp問阿仔功課，很多時阿仔都係就咁俾答案他們算了。

家長日，數學老師說，如果要教小朋友數，麻煩教到佢識，否則就不要教，答案對了，老師就以為他們明白了，那就麻煩了。

於是我叫阿仔教到個小朋友識，結果當然係冇可能，當三角形面積等於底乘高除二都要教，咁分數就更抽象，冇可能教到佢，結論係，底子太差的話，除非從下一級再重新學上來，否則神仙搞唔掂。

有一日有個同學問英文作文，又係冇得搞，結果我叫佢用中文作了，再叫阿仔翻譯返英文俾佢。如果唔識英文，點作文啫！除非從頭由生字學起。

萬丈高樓從地起，如果今日你的小朋友還未把地基打好的話，刻不容緩。欠多少就由多少補上，例如小五的數做唔掂，麻煩立即拿一份小四的開始做，一旦知識斷裂了，就會甩腳。