大鄉里去飲茶

因為疫情，很久沒去飲茶，今朝兒子要回校補課，我們兩公婆決定同99一起去稻香飲個早飲。

怎料，稻香已經不是我們以前認識的稻香，已經沒有「畫點心」這會事！😂😂😂

一入到去，職員指住個二維碼，叫我們自己落單，還提醒我們，我們入座是8：56 am, 還有四分鐘就沒有早茶了！有早茶和冇早茶有什麼分別？早茶時段，點心半價。😳吓，咁差成幾十蚊喎！淨返四分鐘，要快兩板了！！！🤯🤯🤯

我老公連用什麼來搜二維碼都未知，我叫佢開「微信」來搜。平時在大陸行走，呢D嘢係阿仔做的，今日手機小精英不在，唯有老娘出馬！因為三個之中我最後生了！他們還未回魂，一舊白飯咁！🍙🍙

結果，我立即亂點，點了151元點心，半價，但又再加三個茶位，總之大約一百元鬆D埋到單，都算抵食，點心味道唔錯。

99見狀，說：「睇來我以後連飲茶都唔可以自己來了，呢D嘢我搞唔掂！」

每一檯都設有自助煲水機，按個掣會自動出水，自動煲滾，客人自己用熱水沖茶。

大約9：20 am, 所有點心到齊，阿姐提醒我們，9：30 am前要埋單才有半價的！吓！😳😳😳我老公立即撲出去埋單，埋完單我們才慢慢食。

食是可以慢慢食，但自動「停水」😱😱😱了！！冇得再沖茶，食完口乾乾咁走人！！🤣🤣🤣🤣

下次埋單前要沖定大壺茶至得囉！😅😅😅

我覺得我們像大鄉里出城！