自從立了國安法後，大量港人想移民，我們已準備好所有文件（那些文件也要準備幾個月的，想申請的人要預時間），只差寄出，點知，馬來西亞政府公布第第二家園計劃暫停。😅要等到下年再重新接受申請。😢
最近也有朋友問我要不要申請BNO，我忍俊不禁🤭🤭🤭。打死我都唔信英國佬會接收香港難民囉，英國就是因為不想收歐洲的難民才搞到公投脫歐，證明他們的本地人幾憎外來人至得架！
嗱，我無謂陰謀論英國當政者只是想撈政治資本（雖然我確信係），我就當英國高官真係發英國藉俾香港人，你覺得過到英國人民嗰關咩？
仲有，攞住BNO，英國講明你在外出事，英國領士館係唔會保護你的。中國是不承認雙國藉的，如果你揸BNO，中國領士館都唔會幫你。
什麼情況下要國家出面幫手？例如你去泰國旅遊，過境幫阿婆攞咗袋嘢，點知係毒品。
又例如，真人真事，幾條友去咗秘魯玩，點知遇到新冠肺炎鎖國，佢地初期知道有疫情唔肯走，掛住玩，後來唔走得，搵香港政府求助，港府只是地方政府，沒有交涉權，最後係中國駐秘魯領士館出手，安排包機俾佢地返回來，當時嗰幾條友係揸BNO的。由於中國政府只當 BNO是旅遊證件，承認他們是中國香港人才出手，將來，BNO如果代表你有英籍的話，中國政府不會理，英國政府亦講明唔理。假如在外國出事客死異鄉，屍都運唔到返來。
還有一個例子，有個居住在新加坡的華人youtuber 在網上發表了許多政治立場，結果被新加坡政府拉咗，好在中國政府出面才被釋放。好在佢的政治立場咁啱係撐中國囉！😂😂😂如果是黃絲，未必出得返來。新加坡係好嚴格的，到時屁股開花一D唔出奇。
我就唔會放棄中國人的身份去拿BNO, 講到明，我無條件拿得到，就算有，我還是要做中國人，下世再投胎也做中國人！
我知我知，好多人心裡面說我言行不一，講到自己咁愛國，又咪打算送個仔去外國讀書？我引用鄧小平的說話：「我們送出去的留學生，只會太少，不會太多。」記者問：「你不怕他們不回來嗎？」鄧小平說：「他們遲早會回來的。」
錢學森不是回來了嗎？施一公不是回來了嗎？還有千千萬萬個回來了，不能盡錄。現在中美比拼，美國人工高，很多人還留在美國，到人均GDP追上美國，大部人才都會回來，因為在美國，你的膚色決定了你的事業上限。
BTW, 喜歡英國的人，快啲去拿 BNO吧，其實香港真係好迫，走咁D都好！😌😌😌
沒有留言:
發佈留言