債務重組

話說上星期阿仔打完dTap-IVP混合疫苗之後，就病咗一個星期，全部的副作用中哂咁滯，但由於阿仔未試過任何疫苗敏感，所以我們也不敢咬定是疫苗的問題，可能咁啱得咁橋中咗一隻招啫！

Anyway, 放了成個星期假，之後又係測驗週，又撞正igcse兩場 exam, 邊有時間做功課呢？

只好被迫這個週末全部補做，阿仔稱之為「債務重組」！我被他逗得笑了起來。

我已承諾做他的阿四，有什麼功課要抄寫和驗算都可以叫媽媽幫手，但他說自己的債自己還。可敬可佩！

阿仔說上學後發現有四個同學寫了「早日康復」的咭片給他，十分感動，還有同學whatsapp問候，阿仔的人緣還算不錯呢！