花露水妙用

我喜歡將花露水入落一支噴灑式小瓶內，帶出街，好有用：

（一）發現有蚊，立即噴在自己和兒子的小腿上，蚊子就不咬了。蚊子很怕香味的，所以網上教擦食用麻油在小朋友身上，天，咁都做得出，件衫有排洗。花露水會揮發，不會殘留在衣物上。

（二）想洗手，但找不到洗手間，噴一噴，可殺菌，因為酒精成份很高的。

（三）突發臭狐，通常是天氣突然轉暖，行路又出汗，於是在又熱又濕的腋下，細菌急速繁殖發臭，在家可以立即沖涼，但在街呢，可以找暗角處噴兩嘢，立即殺菌，而且香香地，咁就唔會臭親人。我覺得這是公德心來的，唔知點解啲人自己發臭可以唔處理。

（四）突然腳痕，這個通常是我老公，因為他天生很多腳汗，有時穿完的鞋沒有吹乾，第二天穿出街就會痕，用花露水噴一噴，可以暫時解決問題，當然，回家還是要洗鞋和弄乾。

有一日我見老公將風筒開住插在阿仔隻皮鞋度，我怕會著火，問他做什麼，他說：「吹乾呀，他有腳汗，放學對鞋濕哂，我日日都幫他吹乾的。」

冇腳汗的人，像我，真是唔會知他們要這樣做的。