藍絲帶核心觀點：
（一）撐警察
（二）覺得年輕人自己冇鬼用，就將失敗歸罪於政府
黃絲帶核心思
（一）撐「民主自由」
（二）討伐香港政府
（三）仇警
綠絲帶核心思想：
（一）多一事不如少一事，淨係想好好地過自己的生活，怕麻煩
（二）政治冷感
睇完之後，我終於知道自己是什麼顏色了！我一直都唔知，因為我都唔知啲顏色實情係點樣定義。
根據以上影片的定義，我發現：
我係0巴仙的藍絲帶，因為
（一）我唔係撐警察的，我覺得警察的工作性質同軍人係一樣的，養兵干日用在一朝，軍人是沒事不用出動，日日操下，一出動就要搏命，而且一出動就一定冇假放的。我99日日都說警察好慘，我唔覺得，因為我認為「食得咸魚抵得渴」，做得警察預咗有危難。
（二）嗱，後生仔買唔起樓係他們冇本事，但「租」唔起樓絕對係「社會民生問題」！一個政府，冇理由搞到人民租唔起屋住的，這樣是絕對不正常的！各位藍絲，麻煩搞清楚買樓和租樓的分別。連屋都「租唔起」，這個政府是不給人活了！
我係0 percent綠絲帶，因為我絕非政治冷感，亦非想多一事不如少一事。
我理論上係33.33 percent黃絲，因為
（一）我認為「民主自由」已經落後，資本主義制度正在走向滅亡，我最buy新加坡的「家長式管治」，政治極權而經濟開放。（反黃）
（二）反政府，我絕對反香港政府，香港政府由李嘉誠主力操控，完全向商家傾斜，卜佢個街！（撐黃）
（二）仇警，我覺得仇警的人有精神病，嗰種病叫「妄想被害症」，我日日生存在世，又唔見啲警察來向我濫用暴力？你自己走出去打警察，他打返你有咩問題？他唔打你，輕則被你卜濕，重則命仔冇埋，更嚴重被搶槍殺人後再嫁禍警察，假如我係警察，我都係大力啲打暈你先，你想死啫，我唔想死喎！你死好過我死。如果唔小心大力咗，你就要「食得咸魚抵得渴」，預咗革命要犧牲，我成全你做烈士，最多第日燒返注香俾你。（反黃）
雖然我有33.33黃絲，但我相信所有黃絲都憎死我，唔會想與我為仵，咁啱我都唔想人誤會我支持「過時的民主自由」，亦唔想人地以為我有「妄想被害症」，所以我決定宣布：
我係紅色的。
我支持中國政府對香港實行「一國一際」，唔使急，最緊要快！
P.S.我知實有啲人唔明「民主制度」點解過時，乜唔係好潮好型咩？下集再慢慢解釋你知。
沒有留言:
發佈留言