醫用白凡士林

有一天，我媽話醫院開畀佢嘅白凡士林太多，用唔曬， 於是畀咗一瓶我， 我一用， 發現醫院開嘅白凡士林，比起我平時喺藥房買嘅凡士林好用好多， 質素功效都更勝一籌！更潤更易吸收。 但我冇理由為咗羅凡士林去睇政府醫生㗎， 好在有偉大嘅淘寶。

 一大平500 gram，都係十零蚊啫，平過我在藥房買多多聲， 但係就更加好用。

賣家仲送咗五個小瓶子， 畀我分開裝好， 一小瓶一小瓶慢慢用可以保持衛生， 又方便帶出街， 冬天皮膚爆擦嘴唇爆擦都可以用， 尤其是有小朋友， 更加應該隨身攜帶。

搜尋字眼「 醫用白凡士林」，我哋通常都會選擇銷量最高嗰幾位賣家。

當我覺得 自己識用淘寶都算係 幾識慳錢嘅時候， 大陸嘅鄰居話畀我哋知佢哋係唔用淘寶嘅， 佢哋係用「京東」的， 因為京東比淘寶更加平， 真係沒有最平，只有更平， 哈哈哈！

還有買書，原來「微店」 畀淘寶又更加平， 真係一谷還有一谷低。 淘寶都未識嘅各位， 抱歉地同你哋講， 你哋好快會被時代淘汰啦！