請認真看認真答

話說前兩三日在某群組發帖問功課，當中真是看盡了人生百態。

條問題係咁，一出唔夠一分鐘已經很多人答：

其實邊個唔知阿媽係女人，形容詞要加「的」，有邊個會唔知，有人仲方死我唔知「的」即係廣東話「嘅」，我十分無奈，好明顯佢地冇睇題目的，有七成人以為自己係識的，從來唔知，亦無懷疑過自己唔識。

七成人亂答，另外有一成人懷疑你的動機，還開始了陰謀論，例如認為你想挑戰老師。

當中又夾雜了大量建議，建議我要俾小朋友睇多啲書，又有人猜測我的小朋友理解能力很弱，都係要睇多啲書，要用心感受中文blablabla.....

孔子曰： 人不知而不慍，不亦君子乎？

所以我都沒生氣的，他們又唔識我，當然唔知我仔係點，只是想像力未免太豐富。

剩下兩成人是盡他們的能力來解答我的，當中有乘機show quali的，有人是知多少說多少的，有人有很好的搜集資料能力，給我提供了一個理想的答案。

我將這個答案重post在當眼處，希望不要再有人亂答下去。

由於答案太長， 雖然答得非常完整， 但又有一班冇耐性嘅人， 睇都未睇完就否定呢個答案。 話呢個答案太煩亂， 就好像買一件電器回家後， 見到說明書就呱呱嘈的人。看不懂說明書就話說明書寫錯了！為什麼要用說明書？！生氣地把說明書扔了。

我很無奈。

然後她們又上綱上線，話中文唔係咁學，開始離題萬丈。有人話學中文淨係講feel唔講文法，有人話我認為對的那個答案是錯的........（ 然後又亂噏一大輪）

其實關學中文咩事，問一條問題啫，就代表你唔識中文了！必須要向她們臣服，跪求答案 ，如果你不贊同她們的批評，她們跟你沒完沒了， 視死如歸。

還有人人肉起底我的Facebook,並告訴我，我的簡介寫錯了一個字。又有補習老師揾我，想幫我仔補中文。

In a nutshell, 大家千萬別做那八成人，做那兩成，認真地看題目，識多少答多少，助人為快樂之本！ 不要每一刻都幻想別人有幾折墮，有幾衰， 有幾蠢，不要以為自己係神，自己識得最多！