昨日考常識是我最忙的一天，所以我知道我係衰，平時冇幫阿仔温常識。中英數美其名叫「温」，其實我係丟份卷俾阿仔自己做啫，這些都唔知算唔算温書，我只是令佢有考試那種「時間感」，如果不做卷，他考時可能對時間的掌握會出問題，例如前面慢吞吞，後面匆匆忙忙。俾了份卷阿仔自己做之後，我當然是在一旁玩手機啦，所以我其實很閒呢，每日還有blog出，haha....
到了小三小四，常識科開始變得像「半冷知識科」了，初小問的通常是傷風感冒應該怎麼辦？中小問的是病的準確名字了；初小問那些公園叫什麼名字，高小問的是古蹟歷史朝代了。公園名，唔温書小朋友都可能識，古蹟就通常都唔識，所以常識科係要温習的。
不過話時話，我平時借了都幾多相關香港歷史的漫畫俾阿仔睇，都算是温習吧，各位，相關香港歷史的漫畫在成人圖書館啊，唔好成日行兒童圖書館，稍移玉步，成人館的漫畫，有部分是適合小朋友看的（ 即是，有另外一部分係唔適合，先過過目），例如「大香港人」。
我最喜歡在平時給孩子看一些香港歷史，還有常識相關的節目，這樣孩子在日常中吸收得更好，更廣，容易消化，又冇壓力。
例如：謝安琪的「 囍帖街」，不就正好是這一段書中內容的寫照嗎？
其實揾常識科相關的影片一啲唔麻煩的，教育局拍咗好多etv, 教局網站又新又齊，我仔細個（ 四五歲嘅時候）成日都睇㗎！如果你小朋友未睇過，可以日常播俾佢睇，都幾好睇㗎！如果嫌教局網站的太新，經典舊嘢, YouTube有喎！
其實學習唔係淨係對住本課本嘅，平時做咗呢啲功夫，到考試時，課文睇一次就認得了，人家就是知道課本內容咁多多，但你知道的是很多很多，這才是學習之道， 我們不是為了考試以學習的，是為了「知得更多」而學習。
Last but not least, 其實睇常識漫畫係一定要的，唔好見到漫畫就反感，科普常識，用漫畫形式來學是記得最牢的。
其實阿仔成日都以為自己在娛樂之中，不過其實步步都係阿媽的設計，家中永遠冇阿媽唔想佢睇的東西存在，亦冇佢唔想睇的。
我有時在茶樓見啲小朋友用ipad看影片，也跟著看了一回，啲內容真係無聊透頂，我心裡面想：反正看iPad都傷眼，為什麼不看點有意義的東西？例如看英文卡通，選Mr Men比起天線寶寶就好很多了，天線寶寶成集都沒講夠十句說話，点學英文呀！成集就是扭屁股。
看呱呱嘈的東西，為什麼不看etv?同課本的知識範疇完全吻合啊！不要告訴我學校有播，學校其實播好少的，係老師病假或上唔到體育堂之類才播的。
教育局etv網站：
https://www.hkedcity.net/etv/
沒有留言:
發佈留言