厭書期完了，我預約了兩本書，等圖書館送到。今日推介的這兩本，圖書館沒有的，不過我已經「建購」了，我亦未看，但我必定會看，為什麼呢？因為我聽了作者的課，覺得短短課程已經有得着，所以會看他寫的書。
這兩本是教你如何教孩子數學的書，作者是中國奧數第一人：孫路弘。如果你有3至12歲的孩子，又唔知如何教他/她數學，可以睇這兩本書。
作者在演講中分享的故事：作者童年時，有一次他急着去找鎖匙，爸爸叫他別急，先想一想，鎖匙通常會在那一個地方， 他舉出了三個地方， 爸爸問佢呢三個地方嘅機會率係有幾多， 並且教佢三個地方機會率加埋要係100percent, 佢話喺書包嘅機會係七成, 喺櫃桶嘅機會係兩成, 喺其他地方嘅機會係一成。 於是爸爸叫佢先去書包度揾， 佢搵完唔見 ，就想去櫃桶搵， 佢爸爸又叫佢再諗一諗， 你剛才搵得咁快， 失誤的機會係幾多？ 作者說： 一半。 爸爸話七成的一半 都比兩成多， 叫佢在書包仔細再搵多次， 唔應該急住去櫃桶搵， 於是作者喺書包再搵多一次， 果然搵到鎖匙！
我聽完呢個例子覺得如醍醐灌頂， 怪唔之得經常周圍去搵嘢， 結果嗰樣嘢就係喺原先嘅地方！ 作者話，爸爸教識佢，先思考再行動， 唔好畀行動嘅結果去主宰你嘅思考。 數學主宰了你生活的方式， 學習數學 就係學習生活！
知多啲， 百度一下：
妈妈教的数学
沒有留言:
發佈留言