巴士迷好Q難頂

我覺得巴士迷好Q難頂囉！

明明搭地鐵幾個站就到的，佢死都要坐巴士，兜n咁遠的路，又要轉車，又唔係平， 搭巴士搭到我頭都暈。咁都算，佢仲要每一次都盡量體驗唔同路線唔同車型！ 去同一個地方， 佢想每一次都唔同嘅搭法！

以前我一句話唔識邊度有得搭，唔知邊路車，就耍走佢，而家個衰仔會搶我手機來查，早知唔裝呢個九巴apps。

你唔好以為我delete個apps就得呀，佢識幫我裝返。

佢仲要同我講，則邊有wifi圖像的是新車，冇的是舊車，佢見面黑黑就算了，幾驚佢叫我等下一班呀，可能下一班係新車喎！

你以為佢唔會呀，佢細個成日點我等多幾班地鐵，因為要等德國製嗰部先上車喎，你話幾浪費青春呀！等地鐵都算啦，起碼地鐵站有冷氣，如果等巴士，在熱哄哄的街道上等多十分鐘，我會殺人！

今日又俾佢點我搭這一路車。

點解我個仔咁麻煩㗎！

今日太累了，覺得佢特別難頂。