第一眼分辨孩子氣質

昨日在創科博覽遇到blog友個仔，佢一向不知如何看自己的孩子是屬於n還是s，所以我又幫下眼，睇完，好明顯覺得係en. 到底如何在短時間分辨孩子的十六型人格頭兩個碼呢？

大概係咁：

In, 靜態得來有自信的眼神。（自信不代表不害羞啊！）
Is, 靜態得來眼神唔夠自信。
（其實就咁講真係幾難分，因為眼形不同都容易做成錯覺，那就要識落傾偈才知道了，因為i的小朋友第一次見面通常唔輕易同人傾偈，這個一定不能第一次就分到。當i型的孩子和你熟悉之後，可以是滔滔不絕的。）
En, 動態得來唔會煩，說話內容言之有物，有時唔知佢邊句真邊句假，因為幻想出來的東西他都說得似層層。
Es, 動態得來很煩瑣，將家中的資料都和盤托出。「家中資料」還包括埋學校資料或任何他道聽途說回來的小事，例如：我班有個陳小明佢日日都被老師罵。還有他們說的事都比較實在，不會說幻想出來的東西。

E型的小朋友一般喜歡表達自己，而且一般都很有自信，所以他們是比較容易分辨的。E型小朋友就係名校通常會收的那種，名校不是一定不喜歡i型，但見面時間咁短，i型通常說話少，人地唔知佢有冇料。經常都係，i型可能識一百個生字，但佢講兩個，E型識十個，但佢講哂十個出來，所以名校中充滿了E型。不過E型很容易貪玩唔讀書，所以到中學，名校會換一批讀得書的回來，把讀唔到書的那部分換走，洗一洗牌，這是i型翻身之時。

這是從氣質方面做觀察，當然未必准，因為小朋友太細未做得test, 所以用住觀察的方法先。

In 和en很容易成為朋友，那天兒子（in）和這個弟弟（en）很快便玩到拖哂手了！兩個還一支箭走咗追到我們氣咳！

用目測方法分辨氣質在孩子身上會比在大人身上管用，因為大人太複雜又比較會偽裝。