誰最為食？

有一日，有個朋友同我講：「Sf 好為食㗎。」

Esf 好為食就一眼睇得出，佢地成日都將自己食過的好嘢post在Facebook的，而且係淨係影住碟餸咁的，甚至整埋一系列餸的拼圖。

但isf呢，就真係唔似囉，拿我99做例子啦，佢食好少嘢咋喎，我完全不能將她和「為食」這個詞彙聯繫在一起。

之不過，我再細心觀察，又發現佢其實真係好重視食的啊！

嗱，左邊的賣10.9元，右邊的賣5.9元，你會買那個菜心？ 我99就買左邊，右邊的是我買的，有什麼不同？左邊的菜心苗滑啲嫩啲囉！

嗱，冬瓜滾瘦肉湯，我99就一定會加金華火腿了，而我只係會求其加隻咸蛋就算。

呢，我今晚整蟲草花蒸雞（虫草花在底），我99望咗一望，就幫我加咗幾粒紅棗，當堂靚咗，嗰幾粒紅棗一食，唔得了，甜如蜜，都唔知佢去邊度買到啲咁靚的紅棗，佢話係上環海味街。

原來，isf 係「食得招積」㗎！「為食」唔一定係食得多咁解，都可以係食得精咁解。

各位 sf, 你覺得自己為食嗎？