睇完瑯琊榜小說

今個假期睇完瑯琊榜小說了。一套三本共92万多字，這套書是我當年在電視播瑯琊榜時買的，但一看就看不下去，原來電視劇拍得太好，幾乎和小說寫的一模一樣， 演員亦演得非常到位 ，一面看一面覺得像電視版本慢鏡重播咁。 又唔想浪費咗呢套小說， 於是決定留畀阿仔睇。 上年試過阿仔睇咗一陣就話悶， 唔肯再睇落去。 其實當時阿仔未夠級數， 唔係好睇得明， 於是嗰套書就擺到今年。

今個假期終於睇完呢套書， 咁阿仔就可以開始煲瑯琊榜電視劇了。 未睇完小說嘅， 例如「 射鵰英雄傳」， 我就唔夠膽俾電視劇阿仔睇住， 因為我怕睇完電視劇乜都知道曬，又係令本書唔好睇。 雖然我口頭講過呢個故事畀阿仔聽， 但係口講此終係簡化了許多，睇原著時不會悶。

我老公見到本書字細又冇圖，又話我迫個仔睇書了，自己冇閱讀習慣的人，一見到書就會驚，就會將自己的感覺去等同孩子的感覺。

瑯琊榜雖然又多字又密又冇圖，但不是它困難的原因，難讀的原因是孩子對智謀權術的了解。所以，如果阿仔未到級數，我是不會迫他的，下年又再拿出來。幸好，今年可以看得懂了，他一面看還一面跟我談劇情呢！