應該係，除非唔係

阿仔細個讀幼稚園時，有一段時間，老師要訓練小朋友的轉述能力，吩咐小朋友回家後帶一些東西回來，會講得清清楚楚，我仔通常係做唔到的，因為佢從來唔會回家向我報告老師講乜，仔唔講，屋企又通常都冇嗰樣嘢，最大獲係，幼兒期的阿仔傻乎乎，都唔認為自己有責任帶那些東西回校，我仔在幼稚園時，好似令舍蠢咁，起碼在老師心目中唔方醒。

升咗上小學之後， 情況有所改變。 我個仔係比較清楚要帶咩返學校嘅人， 其他家長喺群組度 查詢， 通常我都會問番阿仔， 阿仔亦都答到， 但其他家長就未必信。 不過我發覺經過多次嘅試驗， 阿仔講嘅嘢真係準嘅。

點解會出現咁嘅情況，幼稚園和小學嘅表現，為何完全唔一樣呢？ 係因為，幼稚園嘅時候， 因為小朋友年紀細，老師表達得非常清楚， 咁就變咗係考學生嘅傳達能力。 但喺小學，老師有時係交帶得唔清唔楚， 所以考嘅變咗係小朋友嘅推理能力。 我個仔表達能力麻麻地， 但係佢推理能力十分好， 所以通常佢都會收到比較清楚的訊息。

例如， 今日係特別活動嘅日子， 學校廣播咁樣交帶：「 聽日係全方位學習日，唔使帶書返學，除非老師有特別講明。」（阿仔覆述我知） 你而家喺度睇我寫嘅嘢，梗係清清楚楚聽日要唔要帶書啦， 但係小朋友當日發生好多事， 佢有可能喺廣播嘅時候分咗心， 有交帶的英文老師特別聲明英文書唔使帶， 但其他老師就冇咁好交帶， 咩都冇講到， 咁小朋友除咗清楚英文書唔使帶， 其他科目大家都係唔清唔楚。 最後就出現咗n咁多個版本， 家長不斷在群組討論。

昨晚我看了一看阿仔執完的書包， 一本書都冇， 我問阿仔是否肯定， 佢想了一想，同我講：「 肯定。」

學校呢種「 應該係，除非唔係」 的表達模式，對孩子來說，是一種挑戰。