適合補奧數

今日係最後一堂的奧數加機械人班。

上星期，奧數做了測驗，今日派返，阿仔係全班最高分，有92分。份測驗冇真正奧數比賽的題目咁深，只是係咁兒測下小朋友有冇聽書啫。平時我見阿仔上完堂返來都話聽得明，只有一課質因素分解唔係好明，每次上完堂老師都有派功課，但阿仔经常冇做哂就要上下一堂。其實放落去的時間真係唔多夠，平日學校已多功課，冇辦法再投放更多時間了。

點都好啦，有92分代表阿仔係有聽書，聽得明的，證明送佢出去學是好事。為什麼我會質疑呢？因為有朋友說，佢個仔小三之前一直自學奧數去比賽都拿銀獎（同我仔情況相似），咁小四就送個仔出去學，之後，個仔就很不喜歡奧數了，再沒有參加了。我聽完都驚個仔唔喜歡出去學，一直持觀望態度，經觀察後，發現阿仔沒有抗拒感，對奧數的興趣不算得很大，但也可以。所以我們還是會一直出去學奧數的，如果學校有得報繼續報，學校冇就自己私人去學囉。

至於機械人班，阿仔就好喜歡了，佢話學到一啲機械原理喎，例如呢啲：

我覺得都係玩的成份多過學，因為冇功課冇project，內容又唔深，只是反正都要去上奧數，順便啫，當係益智遊戲囉！