今朝得十度咋

今日係入冬以來最凍嘅日子，阿仔穿著自己的 藍色羽絨上學去， 一睇， 包括我阿仔只得兩個人著自己嘅羽絨， 其他人都係著返校褸。 我同另外嗰個著羽絨嘅小朋友媽咪傾起今日嘅天氣， 其他家長聽到， 先至醒起十二度以下係可以著自己嘅羽絨， 但係佢哋連今日得十度都唔知道， 因為冇睇天氣報告嘅習慣。

好多家長 唔記得咗校規， 但係又唔識得check手冊， 其實手冊裏面乜都寫得清清楚楚。 唔好話得10度咁凍佢地冇睇手冊， 有時連其他衫都會著錯， 例如穿西服又著運動衣外套， 穿運動服 又著冷衫， 這些東西對家長嚟講係微不足道， 但係其實會影響小朋友喺同學面前嘅形象， 有好多小朋友就係好鍾意指出同學做得唔對嘅野玩針對， 我叫呢啲叫做「 管家婆同學」。

湊仔應該隨時都留意住天氣報告， 而家幾多度， 將會幾多度， 嚟緊一個星期有幾多度呢？ 家長係應該心裏有數。 不想居功， 呢一部分全部都係我仔嘅老豆跟， 買衫買褲買鞋都係佢做， 幸好我有一個識得處理呢啲雜務嘅老公， 所以我就可以專心教育部分， 大家分工合作。

當你另一半乜都唔理嘅時候， 咁你就叫做「 喪偶式育兒」， 如果你係乜都唔理嗰一個， 咁你另一半就係「 喪偶式育兒」了！ 希望大家都可以做一個盡責任嘅父母， 分工合作。個仔係兩個人生嘅，如果你係懶嗰個，一定要醒覺，因為孩子長大後，其實清清楚楚，邊個係最愛佢的，唔好以為欠咗冇人知。