唉！當睇到呢啲留言時，感覺就很唏噓，我感嘆有人個腦點解咁豬，點解人地音小和救恩教得切書？傳統學校教唔切？咪就係因為前者教得少，後者教得多囉！唔係你以為係咩呢？呢兩間學校的老師有三頭六臂？
音小都唔係打算本地升學的人讀的，讀呢間都預咗去外國讀書，傳統學校係為咗要令學生本地升學嘛，銜接本地課程嘛！麻煩呢位大姐做下功課，雙眼睇遠少少啦！音小升音中之後的路係演藝學院，唔係大學，一係就出國留學，咁銜接外國課程咪得囉！外國人一向都係小學中學hea讀，大學狂讀㗎啦，在外國，hea讀係畢唔到業㗎，佢地大學畢業率得50percent咁上下，而本地中小學辛苦，但上到大學hea讀都有九成畢到業㗎！
至於救恩，我冇研究，但都係同一條rule, 世界邊有免費午餐㗎，中小學讀得辛苦，大學hea啲，中小學讀得舒服，大學辛啲囉！唔同組合，先苦後甜定先甜後苦，仲有先苦後苦（在本地讀中小傅統學校再去外國讀大學），自己揀囉！但罵人之前，做下功課，了解下教育制度先。
8 則留言:
原來香港都有音樂小學？定係我Get錯左？
有呀，係直資學校，五千元一個月學費，要學兩樣樂器，功課少，重英輕中，完全係你想要的東西，學校仲鼓勵學生去聽音樂會之類。幼稚園有個用左手的女同學，讀咗一年普通官津頂唔順，入咗呢間，佢話輕鬆許多了！
https://www.schooland.hk/ps/icqm
救恩都係初小輕鬆，高小一樣多功課，否則你都唔洗諗可以上佢哋聯系的滙基中學（好似係b1b)
原來如此！
有啲品位的聯系中學一般都有要求，冇可能輕鬆過到骨，真是估都估到。
救恩是私校，又無直屬中學，要呈分玩大抽獎，高小依然輕鬆，冇可能吧。加上是中西區，升中 競爭激烈呢。
我的朋友仔女（由其教會的朋友，好多讀救恩）初小不斷炫耀學校少功課，好happy, 依家小五、六，還不是不斷呻，又話緊張又話大壓力，升中冇保障。
There is no free lunch!
話時話，我朋友讀民生，有中學的，都一樣唔係好有保障㗎咋，一句最後決定交俾學校，就要夾住尾巴做人，怕操行唔過骨。其實b1b的都係收返b1b的學生，校中b1a的照樣走哂去b1a的學校，唔到band1的學生，學校一樣係唔想要。
發佈留言