名校錄取的孩子比較聰明？

一般人都會覺得，一個小朋友能夠過到面試關， 打贏芸芸眾生， 最後被名校取錄，就代表咗嗰個小朋友好叻，好聰明。 但事實上，係咪真係咁呢？ 我哋如果係好膚淺咁樣去睇一件事物嘅話，永遠都係唔會有進步，思維係有分淺層次，同埋深層次。見到一個現象，去推敲佢背後嘅原因， 先至可以知道世界上真正發生緊咩事， 唔好輕易相信表面見到嘅嘢。（ 這裡討論的是考名校幼稚園和考名校小學的大型interview，不是個別插班名校的情況）

只要我哋研究一下名校interview 收生標準， 我哋就會知道，到底乜嘢人最後會入咗嗰間學校。

第一，個小朋友必須要係唔怕生， 佢哋可能係比較大膽活潑，喺一個完全陌生嘅環境之下，都夠膽開聲同人講嘢， 夠膽去表現自己，而呢啲我以上講嘅嘢，我哋可以用一個英文字母來代表就係E。E 係外向咁解，16型人格裏面， 有一部分嘅人係天生外向嘅，記住外向定內向係冇得訓練嘅，唔可以話一個怕醜嘅小朋友，將佢變成不怕醜，如果你夾硬去訓練佢，只會越嚟越驚， 越嚟越怕醜。 咁樣講法係咪即係E型嘅小朋友，特別叻呢？其實又唔係喎， 通常聰明嘅都係i，點解呢？因為E之所以咁大膽， 係因為佢哋做事一向都唔係太過及後果， 佢哋敏感度比較低，而讀書係同一個人嘅敏感度有關嘅，通常敏感度比較高嘅人讀書會叻啲，點解敏感度高嘅人讀書會叻啲呢？原因就係讀書其實就係吸收資訊，敏感度高嘅人，每一刻都喺度吸收資訊， 去到陌生嘅環境，因為有大量嘅資訊湧入佢個腦袋，所以佢會驚，而敏感度低嘅人，佢唔識驚。

講咗咁大段， 結論就係外向的人，未必比內向既人聰明，但係名校通常揀外向， 畀著你係老師，都唔會揀唔出聲嗰個， 因為佢唔表現出來，你唔知佢係咩料。

第二，喺名校interview嘅時候，可以取得高分嘅成績通常都係p，因為p靈活多變，無論遇到啲咩困難，佢都會比較機靈，識得反應。 而另外一種j型嘅人，通常都係按步就班，佢哋唔係太識得應付多變嘅題型。 咁係咪p型嘅人比j型嘅人更加叻呢？通常都唔係，唔係因為j 型嘅人比較聰明，而係因為佢哋比較有毅力，有動手能力，所以喺讀書嘅時候，往往都佔有優勢。

綜觀以上兩點，我認為在名校面試中比較容易勝出的人，是性格型號 exxp 的小朋友。

根據智力統計，這種exxp 性格的人，最後讀書成績不及ixxj 性格的人。

天資上，不是說ixxj比exxp聰明， 而是後者比前者容易分心，喜歡玩樂， 活潑好動， 呼朋喚友， 這些正是讀書的大敵。

不過讀書叻，又不代表一切， 讀書叻的人，根據統計，比起讀書唔叻， 宏觀上 ，賺錢還要少一點， 賺錢最多的人是 exxj。 性格外向力和執行能力強，兩者加起來，自然容易搵到錢。

一句講曬，性格決定命運。 小朋友嘅性格，有七成係天生，三成係培養。

回應題目， 根據16型人格分析，在名校面試中被取錄的孩子，不一定特別聰明。 所以，考到嘅， 唔好咁得戚，考唔到嘅，唔好否定小朋友嘅價值。