考試範圍與壓力指數

話說有一日我喺facebook見到一段咁嘅post， 這一段說話令到我突然間有所體會， 我哋以前不嬲都 會用功課多唔多 來定義一間學校催唔催谷， 睇完呢一段留言之後，我發現除咗功課多唔多，睇佢個測驗範圍先至係最緊要嘅！

因為我已經發覺， 功課係好難比較㗎，有啲學校話做一份工作紙，其實係有三版， 而有啲學校一份工作紙，就真係得一版，但係佢哋同樣都叫做 一樣功課，仲有就係個複雜性， a 學校可能得幾樣功課，但係要用好多時間思考嘅， 例如剪報， 而b學校可能有十樣功課，但係都只係手板眼見功夫，填幾個字。如果憑功課嘅數目來判斷一間學校係唔係壓力大，似乎唔係咁恰當。

睇考試範圍 真係一個比較 合理嘅方案， 第一，考試係大家都重視架， 比較少人可以處之泰然，範圍大小朋友嘅壓力的確係越大，因為要溫嘅嘢就會多咗， 冇錯有啲人係可以唔溫書， 都應付到考試，但係嗰啲只係少數嘅人， 大部分小朋友都係要努力咁樣溫習，如果範圍太大，對佢嚟講係壓力大咗嘅！

好奇的好奇媽媽，當然立即 whatsapp訪問唔同嘅朋友，關於佢哋嘅仔女嘅考試範圍，得出結論如下：

第一 ，唔好以為直資同埋私立學校，一定係範圍多 或者小， 呢啲嘢係冇一定關係嘅。 不過到目前為止，我所知道嘅 直資同私立小學， 範圍都係算少嘅。 有一間叫做啟基嘅私立小學， 科科都少一般學校一半。 油塘福小及港大同學會， 小一直頭係冇測驗考試嘅。

第二，唔好以為考試嘅次數多，就係代表溫習嘅範圍多，通常四考，比起兩測兩考更加輕鬆，因為四考係每一個階段考完嘅嘢唔會再考，而兩測兩考，可以係考試嘅時候包括測驗嘅範圍，但係亦都有學校考試嘅範圍不包測驗嘅範圍， 而三考，應該係比較輕鬆嘅， 因為佢哋分咗三次， 每一次都唔會再重複測驗嘅範圍。 我見三考嘅學校，考試範圍同四考的學校都係差唔多，咁即係三考著數啲。 考少一次。

第三， 通常英數常，大家嘅範圍相差唔會太遠，但係唔知點解，中文科相差好遠，考試範圍最多嘅 一間學校，中文科考14課，而一般學校大概係考5至9課， 最少嘅一間只係考4課。

咁考試範圍到底係多的好，定係少嘅好呢？其實係睇個小朋友，如果小朋友能力係特別強嘅，選擇考試範圍多係著數啲， 原因係考試範圍越多，其他能力弱嘅小朋友， 越容易被扯開距離。 當大家都係咁少嘢嘅時候，能力會非常之接近，因為能力弱嘅可以將勤補拙。相反，如果能力弱嘅小朋友， 選擇考試範圍多嘅學校， 壓力會比較大， 大家自己睇餸食飯， 睇下自己個小朋友係乜嘢材料，便選擇乜嘢學校。

我呢個調查只係好粗略，根本比較唔到學校之間嘅程度，但係我可以話畀你知，唔係考得少嘅一定深， 直資學校和私立學校未必會比官津學校深， 官津學校每一間的程度也有分別， 總之case by case， 在未拿到該學校的試卷之前 ，不要胡亂的猜測。

當拿到了那份試卷，也要當心背後的東西， 例如有些學校，時事題出得很深， 不過原來有指定範圍，例如叫學生準備五個新聞，那五個新聞只要背得滾瓜爛熟， 無論考得多深廦，亦可以答到題目， 所以，不要以為拿著一份看似深的卷，便以為是深的，那要看老師背後做了什麼，亦有學校有溫習卷，即是考試之前做一份類似的，然後到正式考試將那個答案調轉，舉例： 7月的颱風是什麼名字？小白免。正式考試時出： 小白兔是什麼月份來襲港？有了溫習卷，那就算多麼艱深的試卷也可以沒有什麼意義，證明不到學生的程度。

總結：不要以為入了某一間學校，便等於一勞永逸， 到底誰高誰低， 其實是一趟混水，看不清，摸不著。 還是好好地培養孩子的閱讀習慣吧！ 這個比起依靠學校，更有保證。