泛自閉症

昨日和公公婆婆去飲茶，坐喺隔離枱個女人， 無情情攞咗我哋壺水去用， 其實我哋由於唔想麻煩啲服務員，這壺水是我們自己斟的 。冇錯，係我哋係自己斟㗎！但係呢個女人大次次咁樣就攞咗佢用嚟洗碗， 我哋覺得不知者不罪，算啦！ 佢都唔知嘅 。點知， 坐坐下，呢個女人又嚟我哋張枱攞點心紙 ！我有小小火火地。點知 ，佢去到食完嘢 ，又過嚟我哋張枱攞牙簽！

我就好奇怪嘞 ，點解佢自己會冇點心紙冇牙籤嘅呢 ？一睇，原來佢將點心紙同牙籤擺埋左一邊 ，然後就順手過嚟我哋張枱度攞 ！仲要冇講唔好意思！ 真係火都嚟埋 ！我冇同佢嘈交， 因為我知道佢係 有病嘅 ！呢啲係咩病呢？ 呢種叫做「泛自閉症」。

泛自閉症係咩呢？ 當你見到啲人， 完全唔合乎社會規範， 雖然唔係犯法， 但係佢哋做一啲好奇怪嘅行為 ，佢哋完全唔理人哋嘅感受，唔睇人哋嘅表情 ，不過佢哋一樣係有工作， 一樣好似正常人咁生活 ，只不過好乞人憎。 呢啲就叫做「泛自閉症」呀 。唔係我自己作㗎， 係喺圖書館嘅一本書度睇番嚟㗎 ，嗰本係漫畫嚟㗎，畫咗好多例子， 其實我哋個社會有好多呢啲人！多到數唔清， 我哋平時稱為「騎呢人」！