必然的結局

上回講到有兩個老人家，大數香港教育制度的不是，尤其是覺得香港唔應該強迫人哋學歷史，其實佢哋唔單止唔鍾意學中國歷史，佢哋全家都唔鍾意學中文，全家嘅政治取態都非常之鮮明。

我覺得我哋唔可以將教育政治化，例如學中國歷史就變咗鍾意共產黨，我覺得咁樣係好奇怪嘅一個思維模式。

嗰兩個老人家唔喜歡共產黨，影響到佢嘅仔女亦都唔喜歡共產黨，然之後，佢嘅孫亦都唔喜歡共產黨，全部都唔緊要，但係問題唔知點解搞搞下，搞到佢哋唔喜歡中文，唔喜歡中國文化。

其實咁樣都係唔緊要嘅，如果你自己有本事嘅話，可以移民去美國，咁就唔使做中國人， 咁咪好似丘成桐個仔咁，學美國歷史囉，但係唔知點解佢哋又冇咁嘅財力，又學人討厭中文。終於，佢哋唔喜歡咗n咁多年之後，見到一個惡果出嚟啦！

兩個孫已經升咗上中學， 一個成績倒退少少，一個要留班。

要留班嗰個一向都屬於中中挺挺嘅成績， 但係一上到去高中，可能語文嘅要求高咗， 就每況愈下。

另一個小朋友，其實係一塊靚讀書材料，自小已經好鍾意睇書，不過佢一向都係睇中文書，但係佢父母唔喜歡中文，搞搞下，佢就睇少咗，升上中學後，佢好憎中國歷史及文化，父母不知幾自豪，慢慢佢原本的中文優勢就冇咗喇，咁咪成績倒退囉，不過初中啫。

大家可能會想知道，佢地咁既然唔鍾意中文，英文係咪好咗？ 答案係：佢哋自己以為自己好咗，並且引以為傲， 但這個並不是事實 。

為什麼會這樣呢？ 因為基於我們本身自己的母語是中文，我們的英文是不能和母語是英文的人去比較的，就像他們不能跟我們比中文一樣，放棄了自己的優勢，並不代表可以挽回劣勢。 正確的做法是，必需要承認英文是我們的外語，努力學習， 將勤補拙，希望做到中英雙語並駕齊驅。

題目為「 必然的結局」， 到底再過幾年之後，情況又會否改變呢？我個人認為是不會改變，只會越來越差，原因是如果衰的是其他科目，可能會突然覺醒， 奮起直追， 但語文是透過長年累月累積下來的，不容易扭轉乾坤。