好Q憎播道書院

今日執屋見到呢一叠未用過的B4信封，又勾起了我對播道書院的厭惡感！

這叠信封由K3留到現在，一直在櫃桶中沒有使用過。B4信封即是半張A4紙，平時很少用到的。

有言在先，假如你是播道書院的人，請立即不要看下去，因為你會不開心的。🤫🤫🤫

我當年帶個仔去 in完幾間直資小學，播道書院留給我和老公的印象是最深刻的，原因如下：

1）只有播道書院要求回郵信封一定要是B4信封，當時為了撲一個B4信封要周圍去揾，心中已有氣，結果要公公在將軍澳的文具店才找到，大家都知現在幾少文具店，當年也不多，我們也不知道為什麼一定要B4信封，因為除了寫聖誕咭，一般都不會用，後來收到播道那封 reject letter, 靚到呢，成張聖誕咭咁！佢要那個信封原來係為了裝一封 reject letter！越靚的 reject letter越令人憤怒, 使唔使搞到 reject letter 成張證書咁呀！幾千人去 in, 收百幾個小朋友，係得嗰百幾個人見到封信會唔嬲囉！

2）在 intervew當日，播道問我們：如果播道及其他學校都取錄你仔，你會選邊間？

如果我答：「我選男拔。」我今天是白來一場了，難道佢仲會收我仔咩！

結果當然係答：「一定係揀播道 blablabla..... 」（數一大堆一早預備好的優點）🤮🤮🤮

嘩！感覺幾噁心！我同我老公都是強T型的人，麻煩唔好迫我們講呢啲咁肉麻的話好嗎？

感覺好似一條女迫問你愛佢有幾多咁！天呀！佢唔係信有人男拔收咗會揀播道下嘛！如果真係有人咁揀，明顯係交唔起男拔學費囉！播道係咪傻架？佢唔係以為自己很了不起吧？揀學校又唔係揀老婆，梗係講條件，邊個會無啦啦愛你播道書院唔愛「聖喇拔」！！🙄🙄🙄

總之，呢間播道書院，真係好F（情感型），完全唔做實事，要人講埋D肉麻嘢，考小朋友的內容鬼死咁淺，仲要家長發誓自己唔係怪獸家長，就算小朋友在學校受不公平待遇都唔想家長來向學校投訴。

呢間騎呢學校果然成績好差，中學公開試成績唔敢公布。我朋友個仔入咗，佢話除咗D書係英文，同一般官津的水準一樣，教的也差不多。

你可能會話：「唓！人地唔收你仔，所以你唱衰人地！」

如果係，我當年都唱咗啦！今時今日先來唱佢咩！其他學校有什麼衰嘢，我唔記得啦，咁多年了，但播道留下來這一叠信封，我一日未用哂，一日都記得，這叠信封未用過，我會拿去新居，十幾年後未用完，我還是會記得！

一間學校搞一次面試，可以令人記住佢十幾年甚至幾十年，真係有夠本事的！

我現在寫這為 blog, 又幫我記住了佢有幾嘔心！