問數

有一晚我看了一本數學書， 於是早上兒子一張開眼睛 （ 這天放假， 兩母子賴在床上）我便問了兒子這條問題：

班上有25個人，坐在教室裏5x5的座位上。現在新學期到了，要換座位。能不能使每個人換完座位後都坐在原來座位的旁邊（ 前後左右皆可）？

阿仔聽完我條問題之後，諗左一陣，佢就憑直覺說：「 冇可能 。」 我首先肯定佢嘅答案， 跟住問佢點解會認為冇可能。 佢想了一想，話：「如果所有人都向左移一行，咁就會 有一行人要坐去右邊，咁就唔成立啦！咁如果所有人 都向右移一行，咁最右邊又會突咗出嚟，要坐去左邊，咁樣又唔成立囉，咁如果所有人都向前移一行，又會有一行人多咗出嚟，要坐去後面， 如此類推，所以答案係：冇可能。」

佢始終都係8歲小朋友，表達嘅時候斷斷續續，真係媽咪先聽得明， 以上答案我已經整理過。 不過我已經好驚喜，因為我自己反而完全唔知由邊度諗起， 好明顯佢諗得快過我，洞察力比我強。

當佢答完我條問題之後，我就將呢個精彩答案講畀佢聽。

設左上角的座位是黑色的， 則一共有13個黑色座位，12個白色座位， 如果要順利換位置，則原本坐在黑色座位的人要換到白色座位去，但是這是不可能的，因為白色座位不夠多，因此不管怎麼換都不可能成功。

我以為自己要解釋得好詳細阿仔先至會明白，點知當我講到：「如果將5x5 嘅方格填上黑色同白色，咁調換座位，有冇可能成立？」 兒子竟然立即回答我：「咁就要睇下佢哋數目係咪對等。」

我一聽到他這句答案，便知道他已經完全了解精粹所在，不過我還是多此一問：「那麼他們是否對等？」兒子答：「不對等，因為25是單數。」

我深深感動，並且要自己一定把這件事記下來， 將來講給我的孫兒聽。