編叮噹故事

呢個遊戲係設計畀鍾意睇叮噹， 又鍾意吹水嘅小朋友玩嘅。

只要你睇過叮噹, 你都知道叮噹嘅故事集集都係差唔多，我知道，我知道，佢而家叫做多啦a夢，但係我都係鍾意叫佢做叮噹呢！

叮噹故事好簡單，首先就係大雄遇到麻煩， 跟住就會跑去搵叮噹求救，然之後叮噹就會攞一件法寶出嚟，然之後...... 可以係好嘅結局，亦都可以係慘慘嘅結局。

最近阿仔迷上咗睇叮噹卡通片，於是我就同佢玩呢個遊戲啦，首先就係媽咪做開頭， 然後叮噹一出場，就由阿仔作落去。

故事嘅開頭好簡單，就係大雄有麻煩，各位家長，只要根據思考嘅路線，就可以作到大雄嘅麻煩。

（1） 在學校遇到咁麻煩，考試唔合格啦， 畀老師鬧啦，參加運動比賽包尾啦， 比胖虎同埋小夫打啦， 木杉同學太叻，大雄妒忌啦......

（2） 在家裏遇到咁麻煩，畀媽媽鬧啦，爸爸工作上有麻煩啦， 冇茶點食，茶點太好食又太少，功課太多，測驗太難，溫習唔識........

（3） 在街上遇到的麻煩，咁就可以天馬行空.....

開咗一個麻煩嘅頭，跟住大雄就會搵叮噹幫忙，跟住叮噹就會攞件法寶出嚟， 至於呢件法寶係咩呢？就由小朋友在落去啦，雖然小朋友有時會作到離曬譜 完全唔合邏輯，但係大家記住忍住，唔好話佢。

我通常都唔會話佢，因為佢一講就成個鐘， 我已經瞓著咗...... 哈哈! 矇矇矓矓，好似聽到佢講咩隨意電梯，iq丸.......

呢個都可以叫做，為作文仲準備。