參觀孫中山紀念館

唔知有冇人會覺得我好悶呢？我成日見到人哋帶小朋友去一啲好精彩嘅活動，吃喝玩樂，但係我就好鍾意帶個仔去博物館。 今次我哋選擇咗孫中山博物館，喺地鐵中環站搭呢一條長長嘅扶手電梯，去到中環半山，咁就會見到孫中山博物館㗎喇，沿途都會有指示。

聽講呢條長長嘅扶手電梯，喺新嘅地鐵站落成咗之後，將會被拆毀，所以有時間嘅話真係要嚟搭多幾次，沿途嘅soho景物充滿咗香港特色。

話咁快就到咗呢個甘棠第，原本係有錢人的屋企， 後來轉過兩次手，最後畀政府買咗做咗孫中山紀念館。

經過細心嘅翻新，盡量保留原有嘅味道。

我之所以成日帶個仔去參觀博物館， 其實係因為我個仔同博物館好夾， 我見好多小朋友睇紀錄片嘅時候，好快就坐唔定逃走，而我個仔雖然都有少少坐唔定，但係佢係會由頭到尾睇曬。

睇完之後去到視聽室，仲可以玩遊戲，只要你認真咁睇咗段紀錄片，好多問題都可以答到，咁即係增加了知道識，不枉此行。

最意外的收獲是引起了兒子對革命的思考。

 翌日早上，兒子問爸爸到底什麼是革命， 為什麼孫中山先生一定要發動革命 ，於是展開了一場有意義的討論。