可貴的長假期

如果你問我，我個仔學習最多係乜嘢時間，我話畀你知係長假期。平時返學其實冇乜嘢時間學習， 大家都以為返學就等於學習，但係喺我個角度嚟講，返學並唔係學習，而只係投入社會。真正嘅學習係喺孩子放假嘅時候。

返學課程的內容，其實我個仔都已經識曬， 雖然我並冇將教科書嘅內容教佢一次， 但係大部分佢學習嘅嘢都係佢早早已經喺課外書嗰度睇過。 上學只係令到佢進一步鞏固已經有嘅知識，在課外書看過，並不代表默過寫過。 相比於學習，上學更多嘅時間，其實係用在排隊洗手去廁所食飯等等。上學校， 其實是適應團體生活。

長假期的時候，最重要就係朝頭早，早上嘅時間我個仔係特別精神，學習非常之迅速，這個時間無論做數學，背文章，效率都十分之高。我們在長假期的早上，吃完早餐之後，必定會做一些操練，可以是背古文，背英文，做奧數，什麼也可以，到了中午飯的時間，我們便會停止這些知識練習， 讓大腦休息一下 。下午通常會去玩，去做運動，出外見識世界，晚上回來，可以看書，畫畫，做手工，看電視 ........ 總之做一些休閒活動， 八點半上床睡覺。


每次過完一個假期，人家的孩子大倒退，如在 夢中， 我的孩子也會有holiday mood，但絕對是大進步。 記得有一個假期，我給兒子看了很多iq書，放完假之後感覺他好像聰明了許多。 假期亦是修補學習漏洞的最佳時間，平時上學時間全日安排緊密，其實冇空間做任何嘢，但放假時， 修補一些孩子學習上的缺憾是最好的。舉個例，孩子計數計得慢，在長假期嘅時候，早上狂計100題，放完假之後，這一個缺點就會被修補。

現在我的兒子已經知道，放長假的早上 必定要做一些東西，然後下午就可以盡情地玩。 我們一早已經會商量和定計劃。

有一日，我問我個仔：「你覺得媽咪係乜嘢類型嘅媽咪呢？」 兒子想了好一會兒，答我：「 你咪係嗰啲好了解自己個仔嘅媽咪囉！」 我很高興聽到這個答案。

非常期待復活節假期的來臨！ 今個復活節假，我要修補兒子英文口音上面的不足，以及數學上面的不足， 例如：運算準確率以及增加奧數接觸率。

你開始計劃你與孩子的復活節假期了嗎？