話說知道去不成馬來西亞之後，我就將美元戶口的錢轉回港幣，轉的時候，銀行的理財顧問說最近人人將港幣轉美金，得你反其道而行。
我很奇怪，美國年年印銀紙都算，最近因疫情仲搞「直升機派錢」（即狂印），搞到資金跑哂去買黃金，乜現在仲有人去將港元換美金？萬一聯繫匯率脫勾，揸住一手被稀釋完又稀釋的美金，咪好危險？
後來我才知道，該銀行的美元對港幣差價非常高！難怪職員胡說八道，目的是想我不將美元換港元。一旦客人知道差價這麼高，就會成筆錢原封開本票搬走，存入差價低的銀行再進行對換。結果我正是這麽做了！
美元在世界的霸權地位正受到挑戰，那個膽生毛的小子正是中國。中國正火速推行 dcep數字貨幣，我大陸的親戚都說會開始試用。
我感覺中國好 crazy, 我以為佢地研究下，有排未落實，想不到話做就做了！在這個「天下圍中」的景況下，佢仍然做對美國不利的事，唔驚俾美國打。當年日本挑戰美國地位，俾美國蝦到呢！迫佢簽協議。點解中國唔驚？因為日本冇核武，但中國有囉！
8 則留言:
美元和港幣掛鈎，感覺轉回港幣都不是太有用，買多些其他外幣好過
如果脫勾，港元會大幅升值。
要在什麼情況下，才會脫勾？
一陣班反對派，又在說三道四🙄🙄🙄
中國連美國核彈都唔驚去搞dcep，又點會驚反對派？何況遲D應該沒有反對派了！其實回歸後應該拆聯繫匯率的了，但班官唔做唔錯啫。任志剛在位時話聯繫匯率死都唔拆，但一退位又話應該拆。總之在位者不肯做囉！
咁都係唔知幾時會脫啦😆😆😆
脫之前要預備什麼好呢🤔🤔🤔
脫之前要預備好多港幣囉，因為聽說港幣是被嚴重低估咗，但當你知道會脫時才行動又太遲囉！係咁架啦，想賺錢冇咁易！
但係我覺得人仔可靠些
咁你快D買人仔啦！😁😁😁
發佈留言