戒毒

今朝有網友問我，點解未見過佢仔真人都知佢仔係資優仔？呢單嘢我講了幾年佢都唔信。成日謙虛地說佢仔唔係真叻，係自己早教之功。我心想：「邊個話你仔叻啫，我覺得你仔資優係因為佢行為古怪啫！」

資優兒真是好騎尼的，我唔好意思寫出來，但我仔真係古怪到一個點！最騎尼係亂咁「樣樣都試味」！他的行為令我們很抓狂。

係由細到大都係咁，經常拆嘢，搞破壞，試味，總之你會想一掌打死佢，但又要死忍。說話又成日唔望人，隨時八卦周圍發生的事，只專注自己喜歡的事情，永不在乎人地点睇佢。屋企文具被搞到溶溶爛爛，手冊畫到花碌碌，書包經常有殘缺不全畫滿「設計圖」嘅紙。

上個月我終於忍無可忍，因為我發現他連塗改液都乃！

我一聲不響地在書台貼了這張紙。

很神奇地，從那天起，他就再也沒有吃垃圾了。終於戒咗毒了！

但張警告紙又給他畫到花哂。