咸酸菜西芹炒魷魚

咸酸菜炒魷魚是我童年時吃的味道，媽媽煮過，我印象深刻，我喜歡魷魚彈牙，又喜歡咸酸菜酸酸甜甜少少咸夠惹味。

今次我煮加西芹版本，睇落健康啲。99話魷魚膽固醇高，咁加啲西芹降血壓囉！哈哈～

煮這道菜的訣竅很簡單，就是要每樣東西都分開調味分開煮熟，最後才合起來兜下。

這個是C9煮餸的基本功，如果你炒東西習慣全部材料掉落鑊炒埋一碟的話，必定難食，因為每樣材料要煮的時間都不同，你一起炒，就會有啲未熟，有啲太老，咁真是美女厨房了！

酸菜是關鍵，因為出面的酸菜買回來，水準很參差，有醃得很好吃的，有很難吃的。我今次不好彩，買了一個得個咸字，唔夠酸又唔夠甜，我要先氽水去咸，再加醋加糖來炒。

西芹要整得好吃的秘訣是去筋，用 鹽水灼熟， 將老根全部抽走。我們家吃西芹可奄尖了，99一定要整到西芹冇渣才會吃。

魷魚最簡單，去除哂內臟，剪好，用雞粉，糖，麻油醃好。不要告訴我你怕幫魷魚去內臟，事實上很多c9一把年紀都怕劏魚之類的，這件事，人人接受程度不同。我就覺得，那件東西不會動，我就可以接受了，我怕承受「殺生」的罪孽。

續樣東西炒熟，一起回鑊炒埋一碟，即成。