到底如何才煎到一條香噴噴，脆卜卜的魚呢？
答案係一個字：乾！
水份是香脆的敵人，所以魚身的表面，在煎之前一定要確保乾爽。方法是，先用厨房紙吸乾，擦上鹽，放在雪櫃一兩小時，這樣表面的水份應該很少了，再擦点生粉，像下圖。
鑊要起油紋才代表夠熱，夠熱才把魚放下去，急不得。
把魚放下之後便收細火慢火煎魚，煎魚一定不能猛火，否則外面燶哂，裡面未熟，咁就弊！煎魚和煎牛排是相反的，因為牛最好裡面唔熟外面熟，魚一定要全熟，要離骨。
香脆煎馬友搞掂了！
香煎黃花魚，又得！得咗。
P.S.呢個餸都係考耐性的，又係唔分得心㗎，否則咩方法都一樣會燶㗎！
9 則留言:
我要試下^^
只要夠「乾」，一定成功！
我對你隻煎Pan好有興趣，不銹鋼？又唔怕痴底，咩牌子呢？
Meyer, 美亞。十年前買，一百蚊，可以用一世。不過唔痴底係技術問題，唔關個pan事。做足以上步驟，咩鑊都唔痴。
美亞我還以為只出過易潔獲，等我去𥄫下先
鑊
我地都係用Meyer
澳門有門市嗎？我屋企附近有，所以我地一冇煲呀鑊呀，就去嗰度買的了！
無專門店，但超市就有幾款在賣，話時話，我都仲未去八下😝
發佈留言