化不可能為可能

朋友介紹睇 神探 李昌鈺嘅書， 香港圖書館只得 寥寥數本，其中呢一本，就在我附近的圖書館，所以借咗返嚟睇。 我以為是關於如何做鑑證，如何查案，不過原來，這本書主要是李昌鈺的自傳。 縱然只係講咗少少查案，但我都覺得好好睇，李昌鈺嘅一生可以話充滿傳奇，喺書裏面睇到， 佢係一個發展得非常好的entj（ 將軍型）。

E, 佢相識滿天下, 同好多高官政要都係好朋友, 佢喺美國在任期間，換咗五個州長，換咗一批一批嘅人，但係佢都能夠繼續留任，原因就係佢係一個公正無私嘅鑑證人員，而且辦事能力非常之強。

N, 佢分析能力非常之強，而且學習語言非常之快速， 佢仲會用幽默感去化解律師嘅盤問， 所以佢應該係屬於n。

T, 做探案或者係鑑證, 基本上一定係t, 李昌鈺唔單止係t, 而且係強t, 非常之公正。 而且佢個t唔係ti, 係te, 即係佢嘅邏輯係為咗社會大眾，而唔係偏向自己嘅邏輯 ，佢經常都強調要用證據來說話, 不會站在控辯任何的一方。

J, 成本書都顯示佢係j到爆, 佢係一個非常之有planning嘅人，而且一但設計咗個plan, 係堅定不移， 佢一日工作十四小時只係瞓四五個鐘， 佢做好多好多嘢，但係都應付自如，到咗76歲依然係每日工作十四小時， 佢仲去到世界各地週圍演講同埋教人哋點樣做鑑證，仲出咗好多本書。

李昌鈺 如何看成功：

原來能夠做好自己嘅本份就係為之成功， 咁做學生嘅本分當然係讀好啲書， 所以狀元真係叫做成功人士， 咁我想問下， 到底點樣先至係一個成功嘅媽媽呢？ 做媽媽嘅本份到底係乜嘢呢？