循環

有一日，我畀個仔嘅相片畀一個朋友睇，佢同我講：「 你個仔冇走樣喎！」 我覺得佢咁樣講莫名其妙，因為我個仔先至得八歲，有乜理由咁快走樣？！走樣應該係講三四十歲嘅人。 佢話唔係，於是乎send咗啲照片畀我睇，佢識嗰啲bb時期肥嘟嘟嘅小朋友，大咗幾年之後，就變成瘦蜢蜢，甚至有開始皺皮的！！

於是我開始留意啲小朋友，跟住我發現我個仔嘅同學已經開始走樣！小一嘅時候見到佢肥嘟嘟嘅，而家小三已經變成大肥仔！已經有九十幾磅，就來重過佢阿媽！原本瘦蜢蜢嘅小朋友，而家更加面青口唇白，更加瘦！

原來我個仔真係冇走樣！ 佢唔單止保持唔肥唔瘦， 而且仲開始小腿好結實，應該係定期跑步嘅小成果。

身體嘅嘢，因為見得到，所以家長遲早都會發現自己個仔太肥或者太瘦， 家長遲早會出手，但係腦袋裏面到底佢發生咩情況大家都唔知。 其實由小三開始，原本有閱讀習慣嘅小朋友，開始會將冇閱讀習慣的小朋友愈拋愈遠。有閱讀習慣的小朋友越讀越快，越讀越多，但不喜歡閱讀的越來越不喜歡閱讀。

身體在良性循環的更健康，偏肥的更肥，偏瘦的更瘦。喜歡閱讀的更快更多，不喜歡閱讀的越讀越少。

良性循環的更向好，惡性循環的更偏離軌道。