芋頭糕

原來芋頭糕好易整㗎咋！！我覺得容易的原因是失敗率低，芋頭本身不出水，不像蘿蔔，穩定性很高。

話說我媽上星期買了個芋頭給我，我一直未煮，今日在YouTube看到這條影片，咦，剛巧全部材料屋企有齊，芋頭，臘腸，蝦皮，鷹粟粉，只差一包粘米粉，立即落街買。

這條影片將芋頭糕做得很簡單，就是將所有材料切碎炒香，加上粘米粉糊撈混，蒸35分鐘。

識睇當然要睇留言，我一看覺得非常有道理，於是蒸之前將米糊在鑊和材料翻炒一下，並調好味，我比影片複雜一些，加了雞粉，蠔油和胡椒粉。煮了飯這麼久多年，一看影片就知道她的調味太簡單了，層次會單薄一點。

炒成這個樣子，半生熟的。

將混合物全部壓平在碟子上。

蒸40分鐘，影片說35分鐘，但奶奶說起碼要40分鐘，那我就蒸久一點吧！

蒸好了，滿屋香噴噴的芋頭味！

新鮮蒸出來的可以就咁食，隔夜的拿出來煎香，各具風味！自己整的芋頭糕比出邊賣的少了很多油，更健康！

提示：記得買芋頭要多紫色的根紋才會又香又粉，阿媽今次買的芋頭很靚。