短板加長方案

上回講到阿仔的速度太慢，所以首先要提升速度，但我認為，每一樣東西都要快是不現實的，只會搞到家嘈屋閉，每一樣東西都催兒子，最後他就干脆把耳朵自動上鎖算了。重中之重，身為「半獸家長」的我，還是最關注他的答卷速度及做功課的時數，所以我決定從寫字速度着手，我認為到寫字快了，手部運作其實已經有一定的提升，到時再擴展至其他自理的速度提升。

我應該五年前已經知道自己需要，所以在「 哈佛女孩劉亦婷」一書的 這一頁加上了書籤，所以我用不著拿着書找來找去了（老黃賣瓜：我的nt預測功能實在是強的）。

於是我就按住書中嘅方法， 給兒子一分鐘內 寫盡量多的數目字， 兒子最高紀錄可以寫到一百個數字， 各位，如果你小朋友九歲， 一分鐘內寫到100個數字， 咁processing speed 就應該 同我仔差唔多。

最搞笑係我個仔好鍾意玩呢個遊戲， 一開始佢只係寫到 八、九十個， 但佢不斷要求我重新測試，佢一定要打破自己紀錄，一定要去到佢自訂嘅目標100個先至收手, 到咗100個，佢又要求自己突破，佢性格真係好aggressive，佢喜歡做嘅事一定係做到過曬龍。之後， 我又畀佢試過一分鐘內寫盡量多嘅英文字母， 遲啲我會畀佢一分鐘內寫盡量多嘅中文字， 又或者用最快嘅速度畫一個叮噹。 等我練一段時間之後再向大家匯報佢嘅進度。

至於文中提到寫copybook，係我個仔最唔鍾意做嘅嘢， 否則唔會搞到今時今日 因為寫字慢 要進行特訓 嘅地步，但係我都會嘗試一下， 睇下佢肯唔肯寫copybook。 我個仔自己都想改善自己嘅問題嘅， 凡事有得傾，只要加入自己和自己競賽的元素，佢就會鐘意玩，佢係一個貪玩又好勝的小朋友。

至於閱讀方面，我會借多啲數學漫畫及書：

這本封面唔吸引，但內容好OK。

我抽了這個故事來考阿仔。

雖然佢無法自己想到答案，但得知答案時，佢雙目放光，像突然明白了一些東西似的。

那本書原本我打算由我看完再慢慢跟兒子討論的，結果我一行開，佢已急不及待自己看完了！

數學漫畫其實幾有趣，阿仔一向都不抗拒。

而中文方面，因為已經很強，我就降返哂級，繼續借一些小朋友愛看的漫畫及兒童小說給他，原本打算推介的成人小說暫且擱回書架上了，不打算令他中文理解力再升級。他最愛楊鵬的科幻小說，但已經睇哂，這套「 包小龍大方塊歷險記」（ 冒險小王子系列） 係佢嘅新寵。有時我都佩服自己的眼光，我總是在圖書館看看，就知道借什麼書回去兒子會看，什麼他不會看，我對兒子的了解甚深。兒子果然一口氣看完三本，叫我快啲借哂成套回來，我才不理他，測完驗先講啦，明天測驗，但永遠都係見佢拿着閒書不放手的。

相關文章：

改變教育方向

https://curiousboy2016.blogspot.hk/2017/10/blog-post_20.html?showComment=1508717906172&m=1#c400595672544256428