男性化口味的媽媽

自從有了My TV Super之後，我和老公就會在阿仔睡覺後煲劇，時間耐咗，我發現一件事，我同老公在煲劇口味上實在太相似，我們都喜歡智謀劇種，有時我煲韓劇，佢都會睇，因為我喜歡的韓劇都唔一定只得愛情成份，我們最喜歡的劇集一定是「 瑯琊榜」，這套劇喜歡的人會非常喜歡，連很多外國人都煲。 綜藝節目方面，我同老公都好鍾意睇六個核桃贊助嘅節目， 因為六個核桃通常都會贊助與提高智力有關嘅節目，例如： 最強大腦， 學霸是怎樣煉成的。 最近我同老公仲一齊睇「 升學無疆界」， 我哋睇節目嘅興趣一樣， 可能同我哋性格中的T有關係。

老公係istj， 我係intp, 首先大家都係i，通常喜歡留在家，所以才會一齊煲劇。stj喜歡準備將來的務實事情，所以他會看升學相關的節目，而我也關心個仔將來的去向，也有興趣一起看。所謂外人看熱鬧，內人看門道，我們喜歡看的綜藝節目，其實是學到嘢的節目。

我們都是T，所以口味都男性化，三分二男性是T，三分一女性是T，T/F 絕對會影響口味，所以我剛好可以陪老公睇打打殺殺的電影，又可以陪個仔睇科學節目。

我同老公煲的劇又剛好可以當成故事講畀阿仔聽， 因為阿仔都係T， 口味又同我哋相似。

但99因為是f，有啲佢覺得好睇的，我們都頂唔順，佢喜歡講劇情，有時講倫理劇，個男的如何受狐狸精引誘，女的如何被騙，個第三者點衰法，我內心叫：「99, 唔好再講，我唔想聽！」 表面上當然仍然喺度聽緊。

所以，如果媽媽剛好和孩子的第三個碼相同， 咁兩母子可以一起分享嘅作品就比較多。 留心， 唔係所有仔都係男性化口味， 都有男仔係f， 就算男仔一樣可以同f型的媽媽鍾意同一樣的音樂和戲劇, 同一樣嘅書本。不過唔係每部作品都有明顯的性別之分的，有好多作品係咩人都啱睇的。