騎尼的呈分試

昨晚看了一大輪呈分試的遊戲規則，好不容易才看懂了個大概（原本我以為自己已很了解），越看越是覺得很大鑊。

https://www.edu-kingdom.com/forum.php?mod=viewthread&tid=2601690

第二階段的電腦派位很有運氣成份，假設第1至50名都屬於band 1學生，第50名那個家長不理孩子讀不讀到，雖然是band 1尾，貿然填一間band 1頭的學校，他入那所學校的機會和band 1頭的學生是均等的，因為他可能抽到個靚靚的「隨機號碼」，先派給他。

By golly, 終於明白為什麼會有人派完位企天橋頂要死俾教育局睇了！

如果不想玩電腦派位，咁最好第一階段就被心儀學校收了，但當中有個更「騎尼」的安排，就是Pre-S1, 用師兄師姐的分數來代替你個人的分數來搞個全港排位，全港排位高的，才會有機會獲心儀學校接見。

https://www.edu-kingdom.com/forum.php?mod=viewthread&tid=2244013&extra=&page=1

睇完以上連結的複雜的演算，相信你完全不知道是什麼意思，除非你和我一樣已經殺到埋身，否則你一定不想看它那題數計什麼。

簡單點說，師兄師姐同你冇關係又用佢地的分數來代表你（如果我叻過師兄姐好多就唔抵囉），咁如果佢地覺得唔關佢事，亂咁求其考，你咪大鑊囉～佢地都離開了小學，又放了個暑假，真係可以乜鬼都唔記得了。

所以選學校還是催谷一點的好，如果學校平時唔操練，那些家長又不管孩子（太多），那平均水平就會低，咁就弊傢伙了！他們自由散漫，影響的是自己就好了，但影響的是師弟師妹，真係撞鬼，想到這個Pre-S1方案的教育局職員，應該打靶！我寧願好似以前咁考學能測驗，自己考得唔好自己抵死。又係俾啲反學能測驗的家長玩死，以為嘈到冇咗個學能測驗就冇催谷，而家咁就仲衰，一樣係要谷，我仔的學校已經幫佢地做緊pre-s1題目。沒錯，小五就要練定了，以免害死師弟妹。

其實世界有乜可能冇競爭，資源少，人多，自然有競爭，與其逃避不如用正確心態去面對。

話說回來，小學升中，除了講實力，還很要有運，真是god bless us 了！