大驚小怪

今朝見到幾個政治和教育羣組都分享了關於考評局派人去佛山推廣DSE的新聞，即是鼓勵大陸人來考DSE，大家當然係嬲爆啦，不過呢啲我一早估到，是必然的趨勢。中國人既然可以過去英美搶人地啲大學學位，點解唔可以過來香港搶呢？大家知道香港的大學世界排名有幾高嗎？大家都係睇住個排名榜做事㗎啦！（都有好多人唔睇， 盲頭烏蠅咁）大家唔好嬲大陸人來搶啊，身為父母，難道你沒想過要去人家外國搶人家的大學學位嗎？所以，我們都是做緊同樣的事而已！

我在之前的文章已講過，香港回歸即係意味住香港的大學學位都回歸咗。

相關文章：

Jupas or non-jupas?

http://curiousboy2016.blogspot.hk/2017/11/jupas-or-non-jupas.html?m=1

講出香港的競爭有幾大，大家心內難受嗎？不會難受的，因為大家怎會覺得自己的孩子會輸，人人都覺得唔關自己事的。其實大部分阿媽對數字都係冇感覺的。當我好肉緊咁講：「在香港，一百個學生得16個入到大學咋」，啲阿媽通常都仍然覺得自己個仔一定入到大學的，雖然現在在學校的成績，假設學校一級一百人，佢小朋友一定唔係考16名內，但佢仍然堅信佢仔係會讀到本地大學的。原因係：香港通街大學生，我識好多身邊人都係大學生，我老公係大學生，我自己又係大學生。。。。

我都唔明，你地係大學生，點解個仔就係大學生，大學學位有得世襲咩？！