煎蛋餅

在網上見到人地用一個長方形的小煎pan煎出不同種類的蛋餅，於是忍唔住買了一個返來玩下。我心想：我家朝朝食蛋，風雨不改，一定會用得着喎！

大家記住，買嘢之前，一定要想一想使用率，一年先用一兩次的東西千萬不要買。吓？乜有人會買一年先用一兩次的東西嗎？當然有，例如我就見有人買一部印姓名貼紙的小printer, 通常學期開始都印一批, 就已經夠成個學期用。 但係嗰舊嘢就一直都要擺喺屋企佔用空間。

我以為自己可以花款多多咁煎唔同的美味蛋餅，結果因為早上太趕，次次都求求其其簡簡單單，哈哈哈！

午餐肉蛋餅。

蟹柳煎蛋餅。

香蔥煎蛋餅。

不過話時話，用呢個pan煎的蛋餅因為係一層一層咁煎，受熱均勻，真係又熟又嫩，味道一流！

個pan在美亞買，百三蚊左右。